Бұл кітапта орта ғасырлар заманындағы ғұлама оқымысты, ұлы энциклопедист ғалым, «Шығыс Аристотелі» аталған Әбунасыр Фарабидің ғылми бай мұралары әңгіме болады. Мұнда Фарабидің ғылми, мәдени мұралары тарихта одан бұрын-соңғы өткен, оған ұстаз немесе шәкірт саналатын Пифагор, Аристотель, Евклид, Птолемей, Әл-Кинди, Омар Хайям, Ұлықбек, Леонардо да Винчи, Роджер Бэкон т. б. ғұламалардың еңбектерімен байланыстыра баяндалады. Осыған орай кітапқа «Фарабидің ұстаздары», «Фарабидің шәкірттері» деген арнайы тараулар енгізілген. Кітапта Фарабидің төл шығармаларынан үзінділер мен цитаттар мол келтірілген. Олардың басым көпшілігі бұрын орыс және қазақ тілінде жарияланбаған еңбектерден алынған. Кітап ғылым мен мәдениет тарихына ықылас білдіруші әрбір оқушыға едәуір мағлұмат береді.
