Белгілі музыка зерттеушісі Болат Сарыбаевтың ұзақ жылдар бойғы тындырымды еңбегінің нәтижесінде қазақтың отызға жуық көне музыкалық аспаптары табылғандығы жұртшылыққа белгілі. Олардың ішінде ансамбльдер мен оркестрлер құрамында кеңінен пайдаланылып жүрген: жетіген, шертер, асатаяқ, шаңқобыз, дудыға, үскірік, тастауық, саз сырнай, ұран, кепшік, үш ішекті домбыра, қылқобыз, сыбызғы тәрізді үні ерекше ұлттық музыкалық аспаптар бар. Автор музыкалық аспаптар жайында кеңірек мағлұмат бере отырып, күні бүгінге дейін белгісіз болып келген күйлердің ноталарын және әңгіме болып отырған аспап суреттерін ұсынып отыр. Кітап көпшілік оқырмандарға арналады.
